Hapet furra e bukës dhe hani NELA në Kavallë (Greqi), ku zhvilloi aktivitetin deri në 1923 nën drejtimin e 4 vëllezërve Nela dhe më pas nën emrin ‘MeNela’ ka qenë aktive deri në vitet ’90, duke ruajtur gjallë frymën e parë të punës dhe mikpritjes.

Rifillimi duke u integruar në tregun e furnizimit të akullit për të gjithë akullore-shitësit dhe Bar-kafetë në Tiranë. Kjo periudhë shënonvazhdimësinë e sipërmarrjes, por edhe trashëgiminë e punës së palodhur.

Në Yzberisht, Isufi, babai i familjes, njihet si mjeshtër i punimit të gurit dhe i mirëmbajtjes së mullinjve prej guri. Përkushtimi dhe aftësia e tij e dallojnë jo vetëm në zonë, por në gjithë rrethin e Tiranës.

Pas rënies së regjimit dhe me liberalizimin e tregut, vëllezërit: Ruzhdiu, Rasimi, Avniu dhe Gazmiri nisën tregëtinë dhe hapën punishten e parë të akullores, në rrugën e Kavajës.

Viti 1995 shënon një gur themeli: hapet dyqani i parë ku familja Nela ofron produkte të furrës tradicionale të bukës dhe pastiçerisë. Një hap i vogël në dukje, por vendimtar për të ardhmen.

Dinamizmi dhe kërkesat në rritje të tregut çojnë në hapjen e fabrikës së parë private në vitin 1996. E pajisur me teknologji gjermane, Nela bëhet pionere në promovimin e ushqyerjes së shëndetshme.

Pastiçeri Nela u zgjerua dhe u rafinua hap pas hapi, duke ecur paralelisht me shijet e klientëve që po bëheshin gjithnjë e më kërkuese. Ne zgjodhëm të mos ndryshojmë thelbin, vetëm ta përmirësojmë.

Byrekët dhe linja e brumërave bëhen sektor më vete. Pas kërkesës së madhe, 100 duar, punojnë që të nxjerrin byrekë me ingredientë të freskët dhe artizanal.

Me kalimin e viteve, Nela nisi të shtrihej më gjerë, jo thjesht me pika të reja, por me një prezencë më të fortë në jetën e përditshme të njerëzve. Çdo hapje e re ishte një tregues besimi.

Nela Group, numëron 7 furra buke, 7 pastiçeri, dy Fabrika mielli dhe synon që të jetë exportuesi i parë i brumërave në Evropë, duke marrë të gjitha certifikatat e sigurisë.